Эмчилгээний түүх

Хүүхдийн бэлгийн эрт бойжилтын нарийвчилсан оношилгоо, эмчилгээ

Тынтын хүүхдийн эмнэлэг нь таны хүүхдийн эрүүл өсөлт хөгжилтөд үргэлж хамт байх болно.

Pediatric Nephrology

Бэлгийн эрт бойжилт гэж юу вэ?

Бэлгийн эрт бойжилт гэдэг нь хүүхдийн өсөлтийн явцад
шилжилтийн насны шинж тэмдгүүд хэвийн хугацаанаасаа
Хурдан эхлэхбайдлыг хэлнэ.
Хэрэв шилжилтийн нас хэт эрт эхэлбэл:

  • Ясны өсөлтийн бүс эрт хаагдах
  • Өсөлтийн хурд гаднаа хурдан мэт харагдах боловч
  • Эцсийн өндөр нь харин ч намхан болох эрсдэлтэй байдаг.

Бэлгийн эрт бойжилтыг оношлоход "эрт эхэлсэн" гэхээсээ илүүтэйгээр,
тухайн үйл явц нь бодит байдал дээр үнэхээр явагдаж байгаа эсэхийг үнэн зөвөөр тодорхойлох нь хамгийн чухал юм.
Түнтүн хүүхдийн эмнэлэг нь таны хүүхдийн өсөлтийн хурд, чиг хандлагыг нарийвчлан үнэлж,
зөвхөн зайлшгүй шаардлагатай тохиолдолд л дараагийн шатны арга хэмжээг авдаг.

Бэлгийн эрт бойжилтыг
эрт оношлох нь яагаад чухал вэ?

  • Ясны өсөлтийн бүс нэг л хаагдсан бол дахин нээгддэггүй.
  • Анхан шатанд гадаад шинж тэмдгүүд төдийлөн сайн анзаарагддаггүй тул анзаарахгүй өнгөрөх магадлалтай.

Цаг алдалгүй, зөв үнэлгээ хийснээр ямар нэгэн эмчилгээ шаардлагагүйгээр зөвхөн ажиглах төдийд л хангалттай тохиолдлууд ч маш их байдаг.
Тиймээс бэлгийн эрт бойжилтын үед яаран эмчилгээ эхлэхээс илүүтэйгээр, үнэн зөв оношилгоо хийх нь хамгийн нэгдүгээрт тавигддаг.

Бэлгийн эрт бойжилтын Үндсэн шинж тэмдэг

Хүүхэд бүрд илрэх шинж тэмдэг харилцан адилгүй байж болох ч,
ерөнхийдөө дараах өөрчлөлтүүд ажиглагддаг.

Охидын хувьд
Хөхний хөгжил үеийнхнээсээ хурдан байх тохиолдолд
Өндөр гэнэт хурдан нэмэгдэх тохиолдолд
Биеийн үнэр өөрчлөгдөх, батга гарах тохиолдолд
Анхны сарын тэмдэг ирэх тохиолдолд
Үтрээний ялгадас (шингэн) гарах тохиолдолд
Бэлэг эрхтэн эсвэл суганд үс ургах тохиолдолд
Хөвгүүдийн хувьд
Төмсөг эсвэл бэлэг эрхтний хөгжил хурдан байх тохиолдолд
Үеийнхэнтэй харьцуулахад огцом өсөлт
Биеийн үс нэмэгдэх, хоолой өөрчлөгдөх, батга гарах тохиолдолд
Эрхтэн хатуурах, нойтон зүүд зэргийг мэдрэх тохиолдолд
※ Энгийн биеийн хэмжээний ялгаа эсвэл түр зуурын өөрчлөлтөөс ялгах шаардлагатай.

Нарийвчилсан оношилгоо болон үнэлгээ хийх
үйл явц

Бэлгийн эрт бойжилтыг тогтоох нарийвчилсан шинжилгээ нь зүгээр л олон төрлийн шинжилгээ авах гэсэн зорилготой биш,
харин тухайн хүүхдэд үнэхээр эмчилгээ шаардлагатай эсэхийг маш няхуур үнэлэх үе шаттай үйл явц юм.
Хүүхэд бүрд ижил шинжилгээ хийдэггүй бөгөөд
эхний шинжилгээний хариуг үндэслэн дараагийн шатны шинжилгээг хийх эсэхийг шийддэг.

  • Хамгийн анхан шатны суурь шинжилгээнүүдээс эхэлнэ.
  • Шаардлагагүй бол дараагийн шатны шинжилгээг хийхгүй.
  • Олон төрлийн шинжилгээний үр дүнгүүдийг нэгтгэн, цогцоор нь үнэлдэг.

Шинжилгээ хийх болон оношлох дараалал

Таны хүүхдийн шинжилгээ дараах дарааллаар явагдана.

STEP 01. Нэмэлт шинжилгээ шаардлагатай эсэхийг тодорхойлох

Ясны өсөлтийн бүсний шинжилгээний хариуг үндэслэн хүүхдийн ясны нас бодит наснаасаа хэр түрүүлж явааг
хамгийн түрүүнд шалгана.

Үе тэнгийнхнийхээ хэвийн хэмжээнд байгаа бол

→ Нэмэлт шинжилгээ хийхгүйгээр хүүхдийн биеийн байдлыг ажиглах

Хэвийн хэмжээнээс хурдан явагдаж байгаа бол

→ Дараагийн шатны шинжилгээ рүү шилжих

STEP 02. Цусны шинжилгээ болон ЭХО-гоор нарийвчилсан үнэлгээ хийх

Цусны шинжилгээ болон ЭХО (хэт авиан шинжилгээ)-г хавсарч хийн, өсөлт болон шилжилтийн насны өөрчлөлттэй холбоотой байдлыг
цогцоор нь үнэлэх үе шат юм.

Цусны шинжилгээ

Өсөлт болон шилжилтийн
Дааврын төлөв байдал ба
эрүүл мэндийн ерөнхий байдлыг үнэлэх

ЭХО шинжилгээ

Өсөлт, хөгжил
холбоотой дотоод эрхтний
Шалгах

Онцгой хэвийн бус шинж тэмдэг илрээгүй бол

→ Эмчилгээ хийхгүй бөгөөд явцыг ажиглах

Нэмэлт үнэлгээ шаардлагатай тохиолдолд

→ Өсөлт болон шилжилтийн насны үйл явцыг нэгтгэн дүгнэх

Шинжилгээний хариу тайлбарлах шалгуур

Бэлгийн эрт бойжилт гэж оношлох, цаашлаад эмчилгээ хийх эсэхийг
зөвхөн ганцхан төрлийн шинжилгээний хариунд үндэслэн шийддэггүй.
Дараах нөхцөлүүд давхар батлагдсан тохиолдолд л эмчилгээний талаар авч үздэг.

  • 1

    Ясны өсөлтийн хурд хэвийн үеэсээ хурдассан байх

  • 2

    Шилжилтийн насны дааврын идэвхжил илэрхий явагдаж байх

  • 3

    Бодит бие бялдрын хөгжил эрчимтэй явагдаж байна гэж дүгнэгдэх

Бэлгийн эрт бойжилтын эмчилгээний талаарх мэдээлэл

Бэлгийн эрт бойжилтын эмчилгээ нь хүүхэд бүрд шаардлагатай байдаггүй.
Хүүхдийн цаашдын өсөлтөд сөргөөр нөлөөлөх эрсдэлтэй гэж үзсэн тохиолдолд л
эцэг эх, асран хамгаалагчдад дэлгэрэнгүй тайлбарласны үндсэн дээр маш нухацтайгаар шийдвэр гаргадаг.

Бэлгийн эрт бойжилт
тарианы эмчилгээ гэж юу вэ?
  • Энэхүү эмчилгээ нь хэт хурдассан шилжилтийн насны үйл явцыг түр хугацаанд саатуулж, ясны өсөлтийн бүс хэт эрт хаагдахаас сэргийлэн,
    хүүхдийн өсөх боломж болон эцсийн өндрийг хамгаалах зорилготой эмчилгээ юм.
  • - Шилжилтийн насны дааврын хэт их ялгарлыг зохицуулна.
  • Ясны өсөлтийн бүсийн хаагдах хурдыг сааруулна.
  • Эмчилгээг зогсоосны дараа шилжилтийн нас хэвийн үргэлжлэх боломжтой.
  • Шилжилтийн насыг устгах, үгүй хийх эмчилгээ бус, харин хурдыг нь тохируулж, зөв цагт нь явуулах эмчилгээ юм.
Зөвлөдөг
Хүүхдүүд
  • Ясны өсөлтийн хурд хэвийн хэмжээнээс хэт түрүүлж яваа үед
  • Шилжилтийн насны дааврын идэвхжил шинжилгээгээр тодорхой батлагдсан үед
  • Энэ байдал хэвээр үргэлжилбэл эцсийн өндөр хэт намхан болох эрсдэлтэй үед
  • Зөвхөн биеэр өндөр байх, эсвэл нэг удаагийн шинжилгээний үзүүлэлт төдийд үндэслэн эмчилгээ хийх шийдвэр гаргадаггүй.
Тариа эмчилгээ
Үйл явцын заавар
  • Тогтсон давтамжтайгаар тарианы эмчилгээг хийнэ.
  • Эмчилгээний үргэлжлэх хугацаа болон давтамжийг тухайн хүүхдийн онцлогоос шалтгаалан тусгайлан тогтооно.
  • Эмчилгээний явцад өсөлтийн хурд, ясны насны өөрчлөлт болон хүүхдийн биеийн ерөнхий байдлыг тогтмол хянаж үнэлнэ.
  • Тарианы эмчилгээг зөвхөн шаардлагатай хугацаанд л хийдэг.
  • Хүүхдийн өсөлтийн явцыг ажиглан эмчилгээг зогсоох хугацааг хамтран шийдвэрлэх бөгөөд эмчилгээ зогссоны дараа хэвийн шилжилтийн нас дахин үргэлжлэх болно.
Эцэг эх, асран хамгаалагчдад
Мэдэгдэл
  • Бэлгийн эрт бойжилтыг оношлох үйл явцад хамгийн чухал зүйл бол "хурдан эмчлэх" бус, харин "үнэн зөвөөр тодорхойлон оношлох" юм.
  • Шинжилгээний хариунаас хамааран эмчилгээ шаардлагагүй, зөвхөн хянах төдийд л хангалттай байх тохиолдол олон байдаг бөгөөд явцыг тогтмол ажиглах нь мөн л нэг төрлийн чухал эмчилгээ юм.
  • Түнтүн хүүхдийн эмнэлэг нь өндөр нарийвчлалтай үнэлгээнд тулгуурлан, таны хүүхдэд зөвхөн хамгийн хэрэгтэй, зайлшгүй шаардлагатай оношилгоо, эмчилгээг л санал болгох болно.