Хүүхдийн бөөрний нарийвчилсан оношилгоо, эмчилгээ

Түнтүн хүүхдийн эмнэлэг таны хүүхдийн эрүүл өсөлт, хөгжлийн алхам бүрд хамт байх болно. Pediatric Nephrology

Хүүхдийн бөөрний нарийвчилсан оношилгоо, эмчилгээ

Хүүхдийн бөөр нь халдвар авах, шингэн алдах, өндөр халуурах, эмийн хэрэглээ зэрэг

харьцангуй түгээмэл тохиолддог шалтгаануудын улмаас ч түр зуурын гэмтэл авах эрсдэлтэй байдаг.

Ялангуяа бага насны хүүхдэд ямар нэгэн тодорхой шинж тэмдэг илрэхгүй байсан ч бөөрний үйл ажиллагаанд өөрчлөлт орж эхэлсэн байх тохиолдол цөөнгүй байдаг тул эрт илрүүлэг, үнэн зөв оношилгоо маш чухал юм. Түнтүн хүүхдийн эмнэлэг нь зөвхөн өвчний нэршлээр нь дүгнэлт хийлгүй, хүүхдийн биед илэрч буй шинж тэмдэг · шээс болон цусны шинжилгээнд үндэслэсэн үйл ажиллагааны үнэлгээ · шаардлагатай тохиолдолд бүтцийн үнэлгээг үе шаттайгаар, цогцоор нь дүгнэж нарийвчилсан оношилгоог хийдэг.

Хүүхдийн бөөрний өвчлөлд

яагаад ‘Эрт оношилгоо’ чухал байдаг вэ?

Хүүхдийн бөөрний өвчлөлийн үед шинж тэмдэг тод илэрдэггүй, эсвэл цусны ерөнхий шинжилгээгээр хэвийн мэт гарах нь элбэг тул оношлох хугацааг алдах эрсдэлтэй байдаг. Цаг алдалгүй эрт илрүүлж чадаагүй тохиолдолд бөөрний цочмог гэмтэл нь цаашлаад бөөрний архаг өвчлөл болон хүндрэх аюултай тул анхан шатанд нь нарийвчилсан оношилгоо хийх нь хамгийн чухал байдаг.

Дараах тохиолдлуудад

бөөрний үйл ажиллагааг шалгуулах шаардлагатай байж болно

Бөөрний үйл ажиллагааг шалгах шаардлагатай тохиолдлууд Өндөр халуурах эсвэл халдвар авсны дараа биеийн ерөнхий байдал огцом муудах тохиолдолд Шингэн алдах, бөөлжих, суулгасны дараа шээсний гарц мэдэгдэхүйц багасах тохиолдолд Цусны шинжилгээгээр үрэвслийн үзүүлэлт өндөр гарсан ч шалтгаан нь тодорхойгүй байх үед Антибиотик, халуун бууруулах эм зэрэг бөөрөнд ачаалал өгч болзошгүй эм хэрэглэсний дараа Шээсний шинжилгээгээр уураг, цус илрэх зэрэг хэвийн бус өөрчлөлт гарсан тохиолдолд

Хүүхдэд түгээмэл тохиолддог бөөр, шээсний замын өвчлөлүүд

Шээсний замын халдвар · Бөөрний тэвшний үрэвсэл (Pyelonephritis) Хүүхдүүдийн дунд хамгийн түгээмэл тохиолддог бөгөөд үүнийг зөвхөн энгийн халдвар гэж үзэн эмчлээд зогсохгүй бөөрөнд нөлөөлсөн эсэхийг нь давхар шалгах нь чухал юм. Өндөр халуурах шинж тэмдэг давтагдах эсвэл шээсний замын халдвар дахин дахин сэдэрч буй тохиолдолд → Бөөрний гэмтэл, бүтцийн гажиг хавсарсан эсэхийг заавал шалгах шаардлагатай Бөөрний хамшинж (Nephrotic syndrome) Хавагнах, шээсээр уураг алдах зэрэг шинж тэмдэг илэрдэг өвчин бөгөөд үнэн зөв оношилгоо хийхийн зэрэгцээ бөөрний үйл ажиллагааны тасралтгүй хяналт шаардлагатай. Бөөрний цочмог гэмтэл (Acute Kidney Injury) Халдвар, шингэн алдалт, эмийн хэрэглээний дараа бөөрний үйл ажиллагаа түр зуур муудах байдал бөгөөд эрт илрүүлж чадвал бүрэн эдгэрэх магадлал маш өндөр байдаг.

Хүүхдийн бөөрний нарийвчилсан оношилгооны тухай

Хүүхдийн бөөрний нарийвчилсан оношилгоо нь өвчнийг шууд оношлох эсвэл эмчилгээг яаравчлан эхлүүлэх зорилготой бус,

харин хүүхдэд илэрч буй шинж тэмдэг, шинжилгээний хариунд үндэслэн бөөрний үйл ажиллагааг шалгах шаардлагатай эсэхийг нухацтайгаар тогтоох үе шатчилсан үнэлгээний үйл явц юм.

Хүүхэд бүрд ижил шинжилгээ хийдэггүй бөгөөд шинжилгээний үр дүнгээс хамааран дараагийн шатны оношилгоог хийх эсэхийг шийдвэрлэдэг.

Хүүхдийн бөөрний нарийвчилсан оношилгоог,

ингэж үнэлж дүгнэдэг

АЛХАМ 01

Эмнэлзүйн шинж тэмдэг болон анхан шатны шинжилгээгээр ‘Бөөрний үйл ажиллагааг шалгах шаардлагатай эсэх’-ийг тогтооно Хүүхдийн биед илэрч буй шинж тэмдэг, эмчийн үзлэг, шээс болон цусны ерөнхий шинжилгээний үр дүнг нэгтгэн, нарийвчилсан оношилгоо шаардлагатай эсэхийг хамгийн түрүүнд шалгана.

Бөөрний эмгэг сэжиглэгдээгүй тохиолдолд

→ Эмнэлзүйн ажиглалт, хяналт хийнэ

Бөөрний үрэвсэл эсвэл үйл ажиллагааны алдагдал сэжиглэгдсэн тохиолдолд

→ Бөөрний нарийвчилсан оношилгооны эхний үе шат руу шилжинэ

АЛХАМ 02

Цус, шээсний шинжилгээгээр ‘Бөөрний анхан шатны нарийвчилсан үнэлгээ’ хийх

Цусны шинжилгээ

→ Бөөрний үйл ажиллагаа болон бие махбодид үрэвсэл байгаа эсэхийг шалгах

Шээсний шинжилгээ

→ Шээсээр уураг, цус гарах зэрэг бөөрний хэвийн бус өөрчлөлтүүдийг илрүүлэх Үр дүнгээс хамаарч: Хэвийн бус өөрчлөлтгүй бол → Ажиглалт хяналтад байна Нэмэлт оношилгоо шаардлагатай бол → Дараагийн шат руу шилжинэ

АЛХАМ 03

Бөөр, шээсний замын бүтцийн үнэлгээ (Шаардлагатай тохиолдолд) Шээсний замын халдвар давтагдах эсвэл бөөрний тэвшний үрэвсэл, бөөрний гэмтэл сэжиглэгдсэн тохиолдолд бөөр болон шээсний замын бүтцэд ямар нэгэн гажиг байгаа эсэхийг давхар шалгадаг.

Хэт авиан оношилгоо (ЭХО)

→ Бөөрний хэмжээ, бүтэц, бөөрний усжилт байгаа эсэхийг шалгах

Шээсний замын бүтцийн үнэлгээний шинжилгээ

→ Шээс буцаж сөрөх гэх мэт бүтцийн гажиг байгаа эсэхийг тогтоох

Цацраг туяанд өртөх нь, үнэхээр зайлшгүй гэж үү?

Өнгөрсөн хугацаанд бөөрний гэмтэл эсвэл шээсний сөргөө байгаа эсэхийг тогтоохын тулд цацраг туяаны нөлөөлөл бүхий шинжилгээ хийхээс өөр аргагүйд хүрдэг байв. Гэвч Түнтүн хүүхдийн эмнэлэг дараах асуултыг өөрсдөдөө тавьсан юм.

“Энэ үйл явцыг заавал цацраг туяанд өртүүлэх замаар хийх ёстой гэж үү?”

Өдгөө эрүүл мэндийн салбар өндөр хөгжсөн орнуудад хүүхдийг цацраг туяаны сөрөг нөлөөнд өртүүлэхээс хамгаалж, нарийвчилсан хэт авиан оношилгоо (ЭХО)-д суурилсан аргачлалыг нэн тэргүүнд хэрэглэх нь хэдийнээ стандарт болон тогтжээ. Цацраг туяаны хор нөлөөгүйгээр олон удаа давтан хийх боломжтой Хүүхдийн биед ирэх ачааллыг хамгийн бага түвшинд байлгана Эцэг эх, асран хамгаалагчид дэргэд нь байж, үр дүнг шууд сонсох боломжтой Манай эмнэлэг нь дэлхий нийтийн эмнэлзүйн нотолгоо, удирдамжид тулгуурлан хүүхдэд хамгийн аюулгүй, үнэн зөв оношилгооны аргыг нэн тэргүүнд хэрэгжүүлдэг.

Уламжлалт цацраг туяаны шинжилгээ болон

Түнтүн хүүхдийн эмнэлгийн нарийвчилсан ЭХО оношилгооны харьцуулалт

Хүүхдийн бөөр, шээсний замын өвчнийг үнэлэхэд ‘олон шинжилгээ хийх’ нь чухал бус, харин хүүхдэд хамгийн аюулгүй бөгөөд үнэн зөв аргыг сонгох нь чухал юм. Доорх хүснэгтэд уламжлалт цацраг туяаны шинжилгээний арга болон манай эмнэлэгт нэн тэргүүнд хийгддэг нарийвчилсан ЭХО оношилгооны ялгааг харьцуулан харуулав. Уламжлалт цацраг туяаны шинжилгээ (Цацраг идэвхт изотоп болон тодосгогчтой рентген) Үзүүлэлт Манай эмнэлгийн хамгийн сүүлийн үеийн нарийвчилсан ЭХО систем Цацраг идэвхт бодис тарих эсвэл рентген туяа ашиглах шаардлагатай Цацраг туяаны нөлөөлөл Цацраг туяаны нөлөөлөл огт байхгүй Олон жилийн түүхтэй стандарт шинжилгээний арга Олон улсын жишиг АНУ болон Европын холбоодоос зөвлөдөг хамгийн сүүлийн үеийн стандарт оношилгоо Бөөрний гэмтэл болон шээсний сөргөөг шалгах үндсэн хэмжүүр Оношилгооны нарийвчлал Дэлхий дахины эрдэм шинжилгээний баримтуудаар батлагдсан өндөр нарийвчлал Хуримтлагдсан цацраг туяаны тунд эмч, мэргэжилтнүүд онцгой анхаарал хандуулах шаардлагатай Шинжилгээний аюулгүй байдал Олон дахин давтан хийсэн ч хүний биед ямар нэгэн хор хөнөөлгүй, маш аюулгүй Цацраг туяаны тусгай тусгаарлагдсан бүсэд хийгддэг тул хамт байх боломж хязгаарлагдмал Асран хамгаалагч хамт байх Эцэг эх нь дэргэд нь байж, явцын дунд бодит хугацаанд тайлбар сонсох боломжтой

Шинжилгээний үр дүнг

хэрхэн дүгнэдэг вэ?

Хүүхдийн бөөрний үнэлгээг зөвхөн ганц шинжилгээний хариугаар дүгнэдэггүй. Дараах хүчин зүйлсийг цогцоор нь харгалзан үзэж шийдвэрлэнэ:

1 Хүүхдэд илэрч буй шинж тэмдэг болон эмнэлзүйн явц
2 Цус, шээсний шинжилгээний үр дүн
3 Дүрс оношилгооны хариу (Шаардлагатай тохиолдолд)
4 Нас болон биеийн ерөнхий байдал

Эмчилгээ болон хяналтын чиглэлийг тодорхойлох нь

Эмчилгээ хийх эсэхийг шийдвэрлэхдээ тухайн өвчин нь хүүхдийн бөөрний үйл ажиллагаа болон ирээдүйн эрүүл мэндэд сөргөөр нөлөөлөх эрсдэлтэй эсэхийг харгалзан үзэж, эцэг эх, асран хамгаалагчидтай сайтар зөвлөлдсөний үндсэн дээр маш нухацтайгаар шийдвэр гаргадаг. Яаралтай эмчилгээ хийх шаардлагагүй тохиолдол ч олон бий. Эмчилгээ хийлгүйгээр зөвхөн ажиглалт, хяналт тавиад явах нь ч түгээмэл. Ажиглалт, хяналт гэдэг нь өөрөө эрүүл мэндийн менежментийн маш чухал хэсэг юм.

Мэдэхэд илүүдэхгүй мэдээлэл

Эцэг эх, асран хамгаалагчдад хандаж хэлэхэд

Бөөр нь нэг л удаа гэмтвэл насан туршийн арчилгаа, хяналт шаарддаг эрхтэн юм.
Түнтүн хүүхдийн эмнэлэг нь хүүхдийг шаардлагагүй цацраг туяаны нөлөөллөөс хамгаалж, зөвхөн нэн шаардлагатай оношилгоо, үнэлгээг л хийдэг.
Бид зөвхөн хүүхдийн өнөөдрийн биеийн байдлыг бус, насан туршийнх нь бөөрний эрүүл мэндийг бодолцон нарийвчилсан, оновчтой оношилгоо, эмчилгээг зорьж ажилладаг.